နိမ့်ပါး ဉာဏ်ရည် ရှိသူ
နိမ့်ပါး ဉာဏ်ရည် ရှိသူ
သင်၏ စကား မှန်ကန်ငြားလည်း
နိမ့်ပါး ဉာဏ်ရည် ရှိသူသည်ကား
မယုံကြည်ဟန် ကန့်လန့်ခံကာ
ပြန်ငြင်းဆန်လိမ့်။
ထိုအခါ သင်၏ အသိတရား
မှန်စကားသည် မုသားဖြစ်ဟန်
စွပ်စွဲခံရ၍ မြားလှံစူးသွား
နှလုံးသားသို့ ခံစား နာကျင်
ဝမ်းနည်းချင်လိမ့်။
ဪ စေတနာတရား လွန်ကဲများ၍
တစ်ပါးသူငါ ဆင်ပြေပါကြောင်း
နှုတ်မှာ ပြောကြားလည်း တစ်ဖက်နားထဲ
လွှဲမှားမြင်တတ်၏ စဉ်းစားကြည့်။
ထို့ ကြောင့် သင်၏အတွေး မြင့်မြတ်ရေးကို
ယဉ်ကျေး နားလည် ကတိတည်တတ်
ဉာဏ်ရည်ရှိသူသာ ပြောကြားပါလော့။
အေးရိပ်နောင်
၂၆/၁/၂၀၂၅
Comments
Post a Comment